Kiâⁿ--chhut-lâi, kì-liām 228(20250222)

Kiâⁿ--chhut-lâi, kì-liām 228, keng-kòe Tâi-pak 228 hoat-seng ê siong-koan tē-tiám. Siōng-bóe tī Hêng-chèng-īⁿ thâu-chêng chi̍p-ha̍p. Kō͘ goân-chū-bîn gí, Tâi-gí, kheh-gí lâi kóng hêng-tōng soan-giân, thiaⁿ kah hīⁿ-á phak-phak. Lán ê bó-gí to̍h sī hiah-nī ū le̍k-liōng kap kám-chêng. Thiaⁿ Lîm Chong-chèng bo̍k-su ín-chhōa ta̍k-ke kî-tó, tùi góa lâi kóng, he sī iû-hêng chin tiōng-iàu ê 1 pō͘-hūn.

行--出來，紀念228，經過台北228發生ê相關地點。上尾tī行政院頭前集合。Kō͘原住民語，台語，客語來講行動宣言，聽kah耳仔phak-phak。咱ê母語to̍h是hiah-nī有力量kap感情。聽林宗正牧師引chhōa逐家祈禱，tùi我來講，he是遊行真重要ê一部份。