Kō͘舞蹈kap色彩紀念陳雷先
- Satsangdance 靚舞集
- Oct 26
- 1 min read
Ùi kam-chià-hn̂g siáu-soat kóng khí. Kò͘-sū ùi thó͘-tē seⁿ chhut-lâi, kap le̍k-sú saⁿ khan-liân. Chin-siòng siuⁿ kòe khióng-pò͘, só͘-pái kō͘ lo͘-bán-tih-khuh(romantic) ê loân-ài bāng lâi khí-thâu. Chiáu kap lâng ê loân-koa, Gio̍k-lân kap Tōa-hái. Pi-chêng, chân-jím, chóng-sī ū kóa ài-chêng, bô sio̍k sè-kan, kian-sim koh un-loán. M̄-nā siá-chò siáu-soat, mā siá chò si.
Kam-chià-hn̂g ê kò͘-sū kap Hiong-sú-pó͘-kì mā ū khan-liân, ín-khí tho̍k-chiá hòⁿ-hiân, kò͘-sū ē án-nóa chìn-hêng. Hiám-hiám bē kì-tit sî-kan, ti̍t-ti̍t tha̍k kàu siōng bóe. Ùi pêⁿ-po͘ ê nî-tāi, kóng kàu chiàn-āu, pe̍h-sek khióng-pò͘. Chiaⁿ-si̍t cheng-chhái. Tân-lûi, lûi-kong sih-nah, beh kiò-chhéⁿ lán ê Tâi-oân hûn.
Kō͘舞蹈kap色彩紀念陳雷先
Ùi甘蔗園小說講起。故事ùi土地生出來，kap歷史相牽連。真相siuⁿ過恐怖，所pái kō͘ lo͘-bán-tih-khuh(romantic) ê戀愛夢來起頭。鳥kap人ê戀歌，玉蘭kap大海。悲情，殘忍，總是有寡愛情，無屬世間，堅心koh溫暖。M̄-nā寫做小說，mā寫做詩。
甘蔗園ê故事kap鄉史補記mā有牽連，引起讀者好玄，故事會án-nóa進行。險險袂記得時間，直直讀到siōng尾。Ùi平埔ê年代，講到戰後，白色恐怖。Chiaⁿ-si̍t精彩。陳雷，雷公熾爁，欲叫醒咱ê台灣魂。
2025陳雷Tâi-oân文學節
完整活動資訊鬥放送，請看「2025陳雷Tâi-oân文學節」linktree！
Comments