Bān-hoe-tâng
- Satsangdance 靚舞集
- Jan 24
- 1 min read
Gē-su̍t ê sè-kài to̍h ná chhiūⁿ bān-hoe-tâng chi̍t iūⁿ, lāi-té chhian-piàn-bān-hòa, chin sim-sek.
藝術ê世界to̍h ná像萬花筒一樣，lāi-té千變萬化，chin心適。
Chi̍t-ba̍k-nih, ùi 2015 hoat-piáu tē 1 ê chok-phín kàu taⁿ Chēng-bú-chi̍p Satsangdance beh móa 10 hòe--ah. Ùi bô Tâi-oân ì-sek, kàu chīn-la̍t beh chhōe ka-tī bûn-hòa kin-ki. M̄-nā kō͘ Tâi-gí chò ián-chhut, koh ǹg-bāng ē-tàng tī seng-oa̍h--ni̍h si̍t-chiān.
一目𥍉，ùi 2015發表第1ê作品到今，靚舞集Satsangdance欲滿10歲--ah。Ùi無台灣意識，到盡力beh chhōe家己文化根基。毋但kō͘台語chò演出，koh向望會當tī生活--ni̍h實踐。
Sòa lo̍h-lâi beh án-nóa kiâⁿ--lo̍h-khì? Beh kiâⁿ ǹg tó-ūi? Ǹg-bāng gán-kong koh khah khui-khoah, hāⁿ léng-he̍k lâi chhòng-chok, piáu-ta̍t lán seng-oa̍h--ni̍h, kì-tî--ni̍h bí-lē kong-kéng.
續落來欲án-nóa行--落去? 欲行向tó-ūi? 向望眼光koh較開闊，hāⁿ領域lâi創作，表達咱生活--ni̍h，記持--ni̍h美麗光景。
Comments